老公李乘德改名│胡杏兒復活節前誕下8磅4囝囝 連生3個仔宣布收山不再追女

胡杏兒今日在社交平台報喜，原來第三胎已經出世，雖然之前一直有傳杏兒是想追個女兒，不過最終揭曉，第三胎都係囝囝，杏兒形容係「4條King」，相信意思係連埋老公李乘德、大仔李奕霆、二仔李奕霖及細仔李奕宏。杏兒透過語音接受訪問，她表示：「多謝大家祝福，細仔喺復活節前已經出世，由於今次係第三個，所以仍然好忙，返到屋企先同大家報喜，囝囝好重，出世8磅幾，無諗過佢咁重，最終係順產，過程有少少辛苦，因為佢好大隻。」

佗住B周圍去｜胡杏兒挺巨肚探老友胡定欣班 帶囝囝「放電」冧暈新手媽媽沈卓盈【下一頁】

{{hket:inline-image name="165781657_272226397957246_6402676368506010276_n.jpg"}}{{/hket:inline-image}}

{{hket:inline-image name="169135368_1089400924887514_2667541059912970934_n.jpg"}}{{/hket:inline-image}}

杏兒表示細仔李奕宏的英文名叫Liam，中英文名都是爸爸李乘德負責改，她說：「今次老公可以入產房陪我，一切都順利，細仔個樣似大哥同二哥混合體，呢個好消息特別揀13:14公布，雖然唔係BB出世時間，不過都希望囝囝健康快樂！（再追個女？）收山喇，3個夠喇，始終要花時間陪伴、照顧同教導，其實男女都冇所謂，最緊要健康。兩個哥哥見到弟弟都好開心，好似覺得好新奇咁，爭住去睇佢，弟弟好乖易湊，多謝大家關心。」杏兒上載的兩張照片中，一張是大哥同二哥望住弟弟的照片，大哥出手輕撫弟弟的面頰，畫面非常溫馨，而另一張是他們一家四口的手仔合照。

另外，杏兒丈夫李乘德都有在IG報喜，他上載自己提住嬰兒籃接杏兒出院的照片，兩位哥哥對弟弟都大感好奇。他用英文留言，意思如下：「小傢伙同大家打招呼，重達8磅4安士嘅李奕宏嚟到之後，我哋復活節假期忙過不停，亦畀機會我哋諗到另一個愛爾蘭名字Liam，意思係跟隨兄弟的腳步走，希望他按著自己的名字能夠成為「堅決的保護者」，至於中文名就跟族譜用上『奕』字。媽媽同嬰兒在家休息不錯，多謝大家的祝福！」他更用英文譯音寫上「真係有排忙喇！」

（點擊圖片放大）

胡杏兒發封肚宣言胡蓓蔚潑冷水 唯美孕照透露BB係呢個性別？【下一頁】

而杏兒的圈中好友們都紛紛留言恭賀，當中包括黃智雯、陳敏之、張繼聰、宋熙年、黃智賢等等，他們都直言期待見見這位小王子，又笑言媽媽擁有太多「前世情人」，實在幸福。

責任編輯：楊安莉